|
電競手豔遇特別多？ 鍾培生：我打機就打機，溝女就溝女
即時娛樂 撰文：鄺鈺瑩 🕓 2021-03-09 19:20:00 最後更新日期：2021-03-09 19:20:00
鍾培生透露亞洲地區嘅電競選手，年收入可達７位數。「香港有好幾位都去到7位數。」（影片截圖）
鍾培生最近因與林作嘅「終極一戰」而成為熱話人物，最新一集嘅《#後生仔傾吓偈》搵咗佢做嘉賓，他在節目中提到自己嘅正職係電競公司創辦人兼行政總裁，現年30歲嘅佢，打機年資逾20年，曾經有唔少Game都世界排名第一，不過講到點解會接觸到遊戲機，鍾培生嘅答案都幾估佢唔到，他說：「我以前係媽寶，當時喺溫哥華，我媽日日打麻雀我就日日喊，當時佢同肥姐打，欣宜就佢比咗部家用遊戲機我打，一齊玩，於是就開始愛上打機。第一次阿媽打麻雀我無喊，應該係超任。」換言之，欣宜改變了鍾培生嘅人生。
鍾培生之所以會打機，竟然係因為欣宜!( IG圖片)
節目中，有後生女提到屋企人不時科金打機，鍾培生就話曾經遇過一名男子，課金30萬，為嘅係爭伺服器第一，最後搞到連婚都結唔成，所以佢都有拍片勸大家唔好亂花錢。問到打機叻嘅男仔，會唔會特別吸引，又或者豔遇特別多？鍾培生表示早年佢打到世界排名第一時，確實有唔少女仔因為佢嘅技術而add佢。「我好專業，打機就打機，溝女就溝女， 我好少同女仔打機，亦好少同現實朋友打機，只會與同級嘅人打機。」佢仲話如果有女仔用請教打機作借口埋身，佢會請對方睇佢所拍嘅影片。
同場加映：鍾培生林作記者會30句金句
1. 記者會的個人介紹上，鍾培生：「我打咗三次比賽，停咗一年，我相信林作會係咁多個對手入面最渣嘅一個。」
2. 鍾培生：「佢重磅過我，但係唔緊要，As I said，i will hurt him BAD！我係會羞辱佢，令佢好難落台，俾人抬出去。」
3. 林作：「既然大家咁想睇，我就打畀你睇。」
4. 林作：「有做開運動，踢開波，但係西洋拳唔準用腳。」
5. 林作：「香港始終避免唔到分裂，一左一右，一係就投票畀鍾生，一係就投票畀林作，我相信我哋係代表香港老百姓。」
6. 林作：「上台打得唔可以唔交貨，我唔係上台躀低（摔倒），我係要令對方躀低。」
7. 林作：「真實目測對方係身高係167或者169，咁呢個身高打啦！」
8. 鍾培生：「林作打完離場會經觀眾席，只係佢試下上台即係投降，我相信佢離開唔到個場館。」
9. 記者發問環節，林作：「一定會認真打，希望打贏。信心，有嘅，我做嘢好少冇信心。」
10. 林作：「9月中，林作就會係個不同嘅人。」鍾培生：「A piece of sxxx turn into a big piece of SXXX！」
11. 林作:「到時就周街挑機，唔止賺一百萬，可能成千萬。」
12. 林作:「我仲有阿媽阿爸，都仲值少少嘅，係咪先？」
13. 林作:「我出名上手快。」
14. 林作:「最快都煲咗好多拳擊電影，首先要睇何金銀，所以今日着到成個何金銀咁，講嘢好笑唔代表唔打得。」
15. 林作:「有才華！任何一個地方都係我嘅擂台！」
16. 鍾培生：「我成日都講，I will hurt him，I will humiliate him and I will fxxking break him。」
17. 鍾培生：「我本來諗住幫佢搵殯儀館sponsors，但係我相信輪椅會好少少。」
18. 林作:「佢個培生培心入面有漢奸，呢幾日搵我講話係佢會員，但係撐我。」
19. 鍾培生：「你啲自信邊度嚟？照鏡嘅時候會唔會她蒙羞？」
20. 林作:「自信就係唔需要成就都可以坐喺度。」
21. 鍾培生：「全香港只有兩位值得我用７位數字畀我打，其中一位坐喺我隔離。」
22. 林作:「如果我可以，你哋都得，我就係人生勵志，或訐我哋不能做富三代。」
23. 林作:「人人都可以俾人打，冇錯，打架隻揪係我哋自己，只不過出場費係要計清楚。」
24. 林作:「有一百萬打硬，30未必。」
25. 鍾培生：「佢嘅人生讀咁多書都多，佢嘅價值就係今日可以坐我隔離。」
26. 鍾培生：「That’s ALL。天生我材必有用，佢個價值就係俾人打。」
29. 林作:「所以讀多啲書，做到才子就有我呢個身價。」
30. 林作:「我人生最大嘅成就就係今日呢一刻，如果林作嘅人生喺2020年3月之前係冇成就，今日有啦！哈哈，多謝。」不過記者會當日是2010年3月5日。
29. 林作:「呢一場係普通人對權貴嘅比賽。」
30. 鍾培生：「冇我你係一文不值。」
| 
發表於 2021-3-9 22:16:08
收藏
推
噓
提升卡
置頂卡
變色卡
搶沙發
千斤頂