（這個你不得不知道！）【PokemonGO】進化小精靈的終極三大秘技！教你如何拿最多的Candy！！

iTools

Pokemon Go 專區

進化小精靈必須知道的 3 件事【PokemonGO】教你點拎 Candy
【上次】我哋講過 CP 值同人物 Level 嘅關係，咁今次就講 Pokemon 升 CP 值或者進化嘅事。其實 CP 值就係代表攻擊力，高 CP 或者進化咗嘅小精靈就會更有機會成功打敗道館霸主。但係要幫小精靈升級或者進化都係需要 Candy，而 Candy 係需要儲嘅！咁點樣先儲到呢？以下就同大家講解下！
1. Stardust 同 Candy 點樣有？
幫小精靈升 CP 時，除咗需要 Candy 之外，仲有 Stardust。而 Stardust 同 Candy 增加嘅方法都係一樣，只要每次捉到精靈、成功孵蛋或者將小精靈 Transfer 俾 Professor，就會有呢兩樣嘢啦！不過，需要注意嘅係 Stardust 係用嚟升 CP 同 HP，而 Candy 就用嚟升 CP 同進化。

捉到小精靈會有。

Transfer 都會有。
2. Candy 數量少點算？
上面講咗 Candy 主要透過捉到精靈、成功孵蛋或者將小精靈 Transfer 俾 Professor 三個途徑；而升級小精靈，就要小精靈專屬嘅 Candy，換言之如果想獲得更多嘅 Candy，就需要不斷捉到相同嘅小精靈先得！

3. 點樣進化
要進化小精靈就需要一定數量嘅 Candy，咁點樣先知自己有幾多 Candy 同埋小精靈需要幾多 Candy 先升到呢？其實只要點擊需要進化嘅小精靈，之後就會見到有 Power Up 同 Evolve；Evolve 隔離就會顯示小精靈進化所需要嘅 Candy 數量。喺 Power Up 上面顯示嘅就會係自己所擁有 Stardust 同 Candy 嘅數量！

老老實實，今日《Pokemon Go》香港版一推出，有幾多個網友即刻 download 左落黎，搶先體驗一下呢? 我身邊就有朋友，明明本身不算是 Pokemon 粉絲，但因為這個潮流大熱，所以都有 download 落黎玩下有乜咁好玩。不過，如果你剛剛開始玩《Pokemon Go》，可能未必太識玩，版主就整理了以下技巧以及建議，幫助新手能夠快速上手，同埋不會亂花一些重要道具！

有關遊戲下載、角色創建的教學，版主 Keith 今早已經同大家介紹過，所以版主而家就唔會多講。主要想講嘅係，當你正式踏上你的旅程，開始玩遊戲的時候的一些重要事項。
001：人物點先可以升 Level 呢?
大家千萬不要以為，只有寵物小精靈的等級重要，事實上，角色的等級同樣重要，甚至相比收集精靈圖鑑更加重要。點解咁講呢? 你要知道，隨著角色的等級提升，你先能夠解鎖以及獲得更多道具，例如捕捉成功率更高的精靈球、兩倍經驗的 Lucky Egg 等等。同時，你的等級愈高，你先可以抓到更高 CP (即係戰鬥力) 的寵物小精靈，並且能夠提升寵物小精靈的能力。更重要的是，角色至少要去到 5 lv，你先可以入到 GYM 同其他玩家挑機，所以你話，角色等級重唔重要呢?

▲ 捉寵物小精靈都可以獲得經驗值！
002：見到乜寵物小精靈，捉哂佢就是了！
好多網友會抱著一個心態，就係擔心精靈球會唔夠用，所以成日見到啲好似好廢、或者 CP 值好低嘅寵物小精靈，就會逃走唔去捉佢，諗住儲住啲精靈球。其實，精靈球真係好容易取得，幾乎每去一個 PokeStop，你都可以獲得至少 2 個的精靈球，而且 Pokestops 的更新速度好快，大約 5 分鐘就已經變番藍色（有道具為藍色，無道具為紫色），等你玩耐左就會嫌精靈球太多架喇 (背包預設只可以放 350 個道具）！所以精靈球的數量，基本上可以唔洗點擔心。而事實上，每捉一隻寵物小精靈，都能夠獲得經驗值、星塵 (STARDUST) 以及糖果 (CANDY），呢啲在遊戲入面都相當重要的！

▲ 左圖圓形果個標誌，就係 PokeStop，更新得好快，按進去，向左／右撥動，一般至少會有 2 個精靈球彈出黎，有時仲會有蛋添！如上圖般，版主一轉就轉左四個精靈球同一粒蛋，所以真係唔洗擔心精靈球唔夠嘅問題。
003：只保留 CP 以及能力高的寵物小精靈就已經足夠
咁頭先就同大家講，其實可以唔洗咁慳精靈球，見到乜就捉就已經可以了。咁呢個時候，你應該會捉到好多相同的寵物小精靈。千祈唔好猶疑，淨係保留 CP 以及能力值高的寵物小精靈就夠，其他的可以將佢 Transfer 變成糖果。