專訪｜李綺雯寧願領養不生育 自嘲基因差：喺呢個世界生存好辛苦
即時娛樂
撰文：秦志鴻 🕓 2020-12-11 10:00 最後更新日期：2020-12-11 10:00
「𡃁妹」這個稱號，一叫便是20年。由2001年她參選由亞洲電視舉辦的女優選拔賽開始，至2006年轉投無綫，到2020年4月約滿離巢，李綺雯就一直被稱為「𡃁妹」。而事實上，「𡃁妹」現時已經36歲，無論工作、生活、待人接物、言行舉止都比初出道的她成熟了許多，惟獨一顆「初心」，驅使她在過去一年受盡新冠肺炎嚴重影響收入之下，依然多次推辭廣告工作：「我覺得好荒謬。」
服裝：sparkonlineshop
場地：Sugar Please Bakery House
化妝：Jennifer _t_workshop
|
儘管「𡃁妹」已經不是「𡃁妹」，無論再過20年、30年，恐怕此稱會伴隨著李綺雯一直到老。（葉志明攝）
疫下的生計 2020年，恐怕是香港人、甚至是全世界的人類也難以忘懷的一年，因為新冠肺炎而失去生命的人不計其數，受疫情影響的幾乎仍然生存的每一位。直至12月，香港爆發第四波疫情，限聚令再次加強，各式各樣的休業、停業、在家工作、防疫措施，已經由最初的驚恐演化成習以為常。𡃁妹作為幕前工作者，其生計遭受嚴重打擊，加上今年4月她與TVB約滿離巢結束14年賓主關係，驟看要承受更大的經濟壓力。然而，在提到收入方面，𡃁妹卻表現得不以為然：「咁我有自己的公關公司，又會接吓Event、MC嘅工作，亦都慶幸呢段時間有人搵我哋去做一啲宣傳，係叫做勉強維持到（生計）。」
𡃁妹於2020年4月約滿離開TVB：「好慶幸離開咗都Keep住有唔同嘅工作。」（葉志明攝）
疫下的堅持 除了𡃁妹的生計在疫情下受到影響，其健身教練男友的收入亦遭受疫情反覆不斷的衝擊，但𡃁妹未感氣餒，更因男友能夠在健身室關閉下仍然找到謀生的方法，亦慶幸在疫情之下二人能夠互相勉勵，並肩同行：「有時我見到有啲情侶，兩個人收工都冇得見面，冇得一齊食飯。所以我哋都好感恩有屬於自己嘅空間。」即使在謀生的過程中難關重重，但𡃁妹在選擇工作時仍然堅持自己的初心。在疫情期間，𡃁妹接到多個有關抗疫產品廣告工作的邀請，可是她卻不止一次婉拒對方：「我都唔肯定佢防疫功效嘅產品，我唔想幫佢哋去做廣告，就算有錢都好。」
有利不可圖，𡃁妹對選擇推介的產品有一份「了解」的執著。（葉志明攝）
疫下的無知 「你同我講抗疫，但都唔知佢所謂嘅測試、證書係從何而來，有啲佢好想我講係防到肺炎嘅，但嗰時連醫生都未清楚嗰隻菌，你點可以話到畀我聽係可以防到肺炎呢？」𡃁妹在疫情之下，試過做義工向巿民派發抗疫產品，深明健康、衛生意識對社會的重要性：「我對呢類產品嘅界線定得比較高，我都冇留意過佢哋開咩價，但總之開價之前要畀我睇咗個產品係乜嘢先，即係，我唔會相信掛喺心口嗰張卡可以防菌……（售賣「嗰張卡」嘅公司搵過你？）類似咁嘅產品啦，（搵你拍廣告嘅抗疫產品入面，最荒謬你覺得係邊樣？）其實嗰張卡我已經覺得好荒謬，可能係我無知啦，但我唔了解，我唔會介紹，我唔想因為啲人信咗我，而對嗰件事係掉以輕心，即係我會害咗人。」
對生活，𡃁妹可以接受勉強維生；對工作，𡃁妹寧願選擇明哲保身。（葉志明攝）
疫下的傳承 近兩年先有政治風波，繼而又有持續了一整年的新冠肺炎疫情，不少香港人都敢輕言結婚生仔，甚至不惜移民外地尋找更安穩的生活。雖然對於婚姻，現時36歲的𡃁妹仍然未有計劃，但談到生育，𡃁妹卻意見多多，亦斬釘截鐵地表示不打算生育：「我覺得有我嘅遺傳因子都唔會係啲好叻嘅人，我樣樣嘢都唔係話好叻，喺呢個世界上面生存都好辛苦！如果家庭環境許可，我會選擇領養。」以外人的角度去看𡃁妹的想法，的確有些許瘋狂，但換個角度去想，又會有另一種體會。她續說：「我唔係好著重係咪自己生，咩要延續自己嘅血脈，延咩啫？你覺得你啲血脈好正咩？我又唔覺喎！」 點擊圖輯睇睇𡃁妹嘅父母與子女的概理念：
「好多人都會認為，生咗個小朋友出嚟就係賦予咗一個生命畀佢哋，所以小朋友就應該多謝父母。」（葉志明攝）
「但調返轉咁諗，但例如偏西方啲嘅諗法，父母無論係生育定係領養小朋友，佢哋係會多謝個小朋友。」（葉志明攝）
「學習點去愛，點去照顧一個小朋友。」（葉志明攝）
「甚至係因為小朋友令到佢哋夫妻關更加好，令到佢哋變成一個有責任心嘅成年人。」（葉志明攝）
「我都係咁嘅心態，我唔覺得我生咗個仔，佢要點回報我。」（葉志明攝）
「我會選擇領養係因為我覺得既然有啲小朋友已經被帶嚟到呢個世界上面。」（葉志明攝）
「得唔到一個好嘅照顧，不如我去照顧佢哋，好過我再生一個出嚟。」（葉志明攝）
#後記 李綺雯早前與黎紀君及盧頌恩合作主持開電視節目《開間咖啡店》，原來，𡃁妹在2019年年尾已經萌生開CAFÉ的念頭：「我係希望係舒服，大家上到嚟，係坐得舒服，傾吓偈，可能係多啲向街，我係想開一間為香港人、為香港而設嘅CAFÉ，畀香港人可以休息吓。」或者如她的「生仔理念」一樣，香港人真係體力透支喇！
睇埋當日其它靚相：
𡃁妹於亞洲電視2001年女優選拔賽冠軍。（葉志明攝）
𡃁妹於亞洲電視2001年女優選拔賽冠軍。（葉志明攝）
𡃁妹於亞洲電視2001年女優選拔賽冠軍。（葉志明攝）
𡃁妹現時36歲。（葉志明攝）
𡃁妹現時36歲。（葉志明攝）
對於錯失的「工作機會」，𡃁妹現時36歲。（葉志明攝）
李綺雯2020年4月約滿無綫電視，結束與無綫電視14年之賓主關係，受訪時透露自己曾因政見問題而被公司雪藏半年。（葉志明攝）
李綺雯2020年4月約滿無綫電視，結束與無綫電視14年之賓主關係，受訪時透露自己曾因政見問題而被公司雪藏半年。（葉志明攝）
李綺雯與TVB，是因了解而分開，並沒有存在不和或不滿。（葉志明攝）
李綺雯與TVB，是因了解而分開，並沒有存在不和或不滿。（葉志明攝）
發表於 2020-12-11 13:27:52
收藏
推
噓
提升卡
置頂卡
變色卡
搶沙發
千斤頂