冰楓論壇
標題: 矚目配角｜江欣燕拍劇會「愛上」對手：所以我唔可以拍鹹戲 [打印本頁]
作者: HuangRance 時間: 2021-3-12 22:27
標題: 矚目配角｜江欣燕拍劇會「愛上」對手：所以我唔可以拍鹹戲
矚目配角｜江欣燕拍劇會「愛上」對手：所以我唔可以拍鹹戲
即時娛樂
撰文：林迅景 🕓 2021-03-12 21:30:00 最後更新日期：2021-03-12 21:30:00
江欣燕早於1984年已經擔任港台的兒童節目《彩虹雷射》及《快樂行》的主持，85年因為參加無綫電視（TVB）及華星唱片合辦的「第4屆新秀歌唱大賽」而入行，再加入當時最受歡迎的《歡樂今宵》，與鍾保羅一同主持介紹國外音樂的節目「雷射旋律」，不過最令7，80後觀眾記得的，就一定要數她在《歡樂今宵》趣劇中飾演的工人姐姐「Maria」。江欣燕「扮嘢」扮到街知巷聞，影響到幾乎每一個細路見到家傭姐姐，都會叫她「Maria」。 |
《同事三分親》的黛安娜應該是江欣燕代表作之一。（電視截圖）
江欣燕的每個演出都讓人印象深刻，無論是《失憶廿四小時》失婚中女的士司機「吳順美」，《女人俱樂部》的羅鳳仙，《同事三分親》的黛安娜或是1995年播出，《娛樂插班生》的廖惠珠，都有一種難以形容的魅力。睇江欣燕做戲，就似是翻看一個真實存在的人物，或重看他的個人傳記那般立體。細問之下，原來江欣燕對演戲十分有自己的一套做法。
《歡樂今宵》的工人姐姐「Maria」開啟了江欣燕「扮嘢」的大門。（網上圖片）
江欣燕演女的士司機十分有真實感。（《失憶廿四小時》截圖）
江欣燕自言，自己十分喜歡參演處境劇以及屋企戲，尤其是王心慰（Amy姐）的劇本：「因為Amy姐啲戲好好做，編排好現實生活化。拍之前，我會早啲入去同個（場）景戀愛下，要同嗰件事戀愛咗先，之後會有一種好get into（投入）嗰度嘅感覺。」如果有對手戲呢？她說：「要先做一個『上身』儀式！譬如要影一幅相，揸住啲劇照喺度幻想，我哋點樣成長，好多她多呢啲嘢。可能你會覺得我痴痴哋，但係我覺得你要對嗰件事有feel，出嚟個效果先至真實。」
江欣燕自言拍戲前要先同個場景「戀愛」。（葉志明攝）
就以最近播出的《失憶廿四小時》為例，也需要「上身」？她笑說：「演員我就唔會同佢戀愛嘅，我就會愛上佢哋先嘅，試造型同埋喺屋企睇劇嘅時候，我會噒下諗下，我哋細個點樣一齊大。我覺得要真啲，全部當真咁做，所以我唔可以拍鹹戲，哈哈哈。」
梁朝偉在1982年報考無綫電視藝員訓練班，比江欣燕早兩年加入TVB。（《春光乍洩》劇照）
梁朝偉
上藝訓班旁聽遇梁朝偉
1985年江欣燕加入TVB，做主持、拍劇、唱歌各項都有涉獵，雖然大家都說她「扮嘢」叻，「扮嗰樣似嗰樣」，但其實她從未受過演戲的正式訓練，別人上藝訓班，她只能旁聽。「記得我參加完新秀後，公司就安排我做主持，嗰時係馮美基小姐做藝員科主管，我話我好想去學下做戲，可唔可以去訓練班旁聽下。馮美基女士就話：『你個time scheme已經好忙，唔好遲到喎。』我話：『好吖好吖。』」
江欣燕在訪問中用梁朝偉的口吻，講返當時的聽到演戲竅門。（《重慶森林》截圖）
梁朝偉傳授演戲竅門
如是者，江欣燕就會密密麻麻的時間表之中抽空到藝訓班旁聽，更遇上了影響她戲劇人生最深的梁朝偉。「有一日佢落去教班，我好記得師兄梁朝偉點講，佢話：『嗱做戲呢，就唔使場場用力嘅，就睇位，有啲位就當然要咁上下演技啦，有啲位就hea啲做，有啲就畀力去做，因為你場場都畀力做就唔好睇。第一次聽嘅時候影響好深，後來到自己做戲嘅時候就get到嗰樣嘢。」
當然，江欣燕未必真係有睇過《演員的自我修養》。（電影截圖）
睇「斯坦尼斯拉夫斯基」學做戲
她說，做戲是要演員之間配合，並不能任何時間都搶戲：「呢個係演員嘅自我修養，斯坦尼斯拉夫斯基吖嘛，但係做喜劇要有喜感，個timing同節奏好緊要，節奏就好似打乒乓波咁，大家去push個punchline（妙語，畫龍點睛的結尾句）出嚟，同埋你要識睇場戲個punch喺邊。」要如何去界定一個演員出色與否呢？往往就是細微之處見真章。
江欣燕表示人生經驗多，即是可以幫助自己入戲。（葉志明攝）
早年與丈夫離婚，會否對自己有影響？她想了好一會兒，就說道：「係人生一個好好嘅經歷，我容易啲get到無奈唏噓感覺，多啲曲折令到自己容易啲入戲。我成日覺得， 如果人生好似一套戲咁，好睇嘅戲係咪要有啲情節？我個人生已經好悶架啦。」
53歲的江欣燕仲keep得好好。（葉志明攝）
53歲的江欣燕仲keep得好好。（葉志明攝）
江欣燕演技十分出色。（葉志明攝）
江欣燕演技十分出色。（葉志明攝）
最右邊，飾演江欣燕（青年）的吳燕菁在《女人俱樂部》播放後人氣稍為上升。（劇照）
李若彤、李麗珍、袁潔瑩、陳慧珊、葉蘊儀、張慧儀及江欣燕主演的《女人俱樂部》，播映六年後將放在深宵時段重播。（《女人俱樂部》）
但在2013年江欣燕突然公布離婚消息，為12年的婚姻劃上句號。（江欣燕微博）
徐榮飾演的「裘俊」和江欣燕飾演的「Diana」在《同事三分親》飾演一對女尊男卑的情侶，兩人相愛過程曲折，教不少觀眾睇得肉緊，更一度成為城中熱話，搞到《東張西望》做街訪。（電視畫面）
江欣燕一直視梅姐為偶像，所以當知道要扮演對方時，其實都好緊張。（影片截圖）
江欣燕和黃智雯真實年齡只是相差15年（《十八年後的終極告白》劇照）
直至近年，江欣燕的Maria形象仍獲廣告商垂青。（YouTube截圖）
由江欣燕扮演的Maria，在《歡樂金宵》很受歡迎。（YouTube截圖）
譚凱琪今日出席新劇《失憶24小時》造型記者會，她將與王君馨、湯洛雯及江欣燕有不少對手戲。(陳順幀攝)
江欣燕、郭晉安和何遠東。（陳順禎攝）
江欣燕多年來皮膚白滑！（圖片來源：視覺中國）
江欣燕首次飾演媽媽。（《十八年後的終極告白》劇照）
劇中的江欣燕係比較多笑位嘅角色。（劇照）
| 歡迎光臨 冰楓論壇 (https://bingfong.com/) |
Powered by 冰楓 |
