50歲宣萱親爆凍齡秘訣原來係通淋巴：我每日幫自己刮面

50歲宣萱親爆凍齡秘訣原來係通淋巴：我每日幫自己刮面

撰文：吳子生　　🕓　2021-02-02 07:30　最後更新日期：2021-02-02 21:12　

娛樂圈有不少凍齡女神，而現年50歲的宣萱亦不例外凍齡有術，愈活愈年輕，完全看不出歲月痕跡，更被網民封為「超級美魔女」。

宣萱昨日（1/2）出席無綫熱播劇集《陀槍師姐2021》宣傳活動時，就接受《香港01》訪問，親自公開獨門駐顏術：「首先係心態，保持開朗，所有嘢放鬆啲，你冇可能咩都擁有，有啲嘢冇，唔好太執著，其實我自己唔係飲食好健康，我好鍾意食嘢，乜都食嘅，但一做嘢,要減肥我就冇辦法，但我發現最重要就係通淋巴，好多人以為自己肥，其實只係淋巴塞住咗，塞住咗你就會腫，其實每日我都會幫自己刮面，係要有恆心用手指骨去刮，有啲人會用刮痧板去刮，一刮啲皮膚表面會起痧，所以我會用手去做，額頭面部同頸每一個地方，我都會用力刮二十下。如果淋巴塞咗，刮嘅時候就會痛，咁所以呢個恆心並唔係咁容易，有少少會痛嘅，但因為你塞住所以先會痛，敷mask我會，但唔係日日，如果聽日拍廣告，我今日一定敷，但如果平時我就一星期兩次左右。」