【野外步出】孫慧雪玩攀岩運動驚青怕死：老公話我驚就唔好去!
即時娛樂
撰文：吳子生 ? 2021-01-04 21:30 最後更新日期：2021-01-04 21:30
孫慧雪今日（4/1）現身將軍澳電視城出席《野外步出》Startalk節目錄影。阿雪透露為節目大玩攀爬運動，嚇到有得震冇得瞓：「我同奶仔（方紹聰）都好熟，佢叫到我無理由唔去。但當聽到佢講話要我玩攀爬運動《瀑降》，我即刻到同佢講我好怕水，問佢有冇第二啲選擇。於是佢就揀咗冇水嘅懸崖邊，要我爬落山，仲話會搵兩個教練幫我。不過講真從來冇一個節搵我拍，我係考慮咗咁耐，因為我聽到真係好驚，仲連續打咗十幾個電話畀奶仔問佢，係咪好安全？連我老公都忍唔住話我，如果驚就唔好去，不過最後都應承咗。」
阿雪首次為節目玩攀爬運動，已經嚇到有得震冇得瞓。（陳順禎攝）
阿雪為《野》節目獻出第一次，大玩攀爬運動。（陳順禎攝）
阿雪首次為節目玩攀爬運動，已經嚇到有得震冇得瞓。（陳順禎攝）
阿雪為《野》節目獻出第一次，大玩攀爬運動。（陳順禎攝）
阿雪直言很怕死。（陳順禎攝）
