冰楓論壇

標題: Gin Lee湊小朋友連尿片都唔識換　自創「雀仔攻略」融化BB [打印本頁]

作者: HuangRance 時間: 2020-6-4 16:09
標題: Gin Lee湊小朋友連尿片都唔識換　自創「雀仔攻略」融化BB

Gin Lee湊小朋友連尿片都唔識換　自創「雀仔攻略」融化BB

即時娛樂

撰文：秦志鴻 🕓 2020-06-04 15:00 最後更新日期：2020-06-04 15:00

李幸倪（Gin Lee）為配合今年第一派台歌曲《敢》的主題宣傳，近日先後接受多項挑戰，繼踩Roller、學紋身後，日前又再挑戰「敢」湊仔！

今次Gin Lee要化身保母湊B「過三關」，包括餵BB食蛋糕、換尿片及剪頭髮，自言很久沒有湊BB的Gin Lee果然雞手鴨腳，即使法寶盡出，BB依然喊聲不絕，難怪Gin Lee事後高呼「湊仔好攰」，日後一旦有B必會全職媽媽！

Gin Lee自創的「雀仔攻略」！

自創「雀仔攻略」湊仔

在接受「敢」湊仔挑戰前，Gin Lee大叫心情緊張，她說：「其實我好鍾意小朋友，不過好耐未湊過，未知表現如何？」當「主角」BB甫出場時，Gin Lee表現興奮，不過BB面對陌生的Gin Lee似乎不太受落，頻頻擰歪面，又放聲狂喊，Gin Lee不斷出招，又唱兒歌、又扮鬼臉，直至使出自創的「雀仔攻略」即見成效，將BB「融化」拉近距離，她說：「BB一扭計，我就抱佢去睇雀仔，因為好多小朋友都鍾意睇啲郁嘅嘢，例如巴士、車、雀仔，所以呢招『雀仔攻略』係成功嘅。」

要幫手換片！

餵B食蛋糕變食檸檬

縱使成功同BB拉近距離，但Gin在餵食物時竟然「食檸檬」，BB頻頻擰歪面不理會Gin Lee，最終一啖食物都沒有放進口，認真失敗，Gin Lee說：「我以為餵小朋友食嘢會最容易，因為好多小朋友都好為食，結果原來係最難，BB一啖都冇食，反而佢餵咗我食一啖。」去到換尿片環節，當Gin Lee為BB除褲即傳來BB嚎哭聲，頓令Gin顯得手忙腳亂，她說：「呢個（指條尿片）究竟係點除㗎？」最後使出渾身解數，勉強成功為BB換片，但Gin Lee笑言「換片換到出晒汗」。最後，在剪髮環節，手執剪刀的Gin Lee，竟順利地為BB修髮，就連Gin Lee都難以置信表示：「比預期中順利，可能佢好專心玩佢嘅嘢，我可以好快就剪到。」